Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 438 Hüküm no: 587 Orijinal metin no: [96b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Minho v. Kosta’nın bağını Yani v. Yorgi’ye satması Vilâyet-i Rumeli’nde İnebahtı sancağında nefs-i Gerbeniş mahallâtından Panya mahallesi sâkinlerinden Minho v. Kosta nâm zimmî meclis-i şer‘-i şerîfde işbu hâmil-i hâze’l-kitâb Yani v. Yorgi nâm zimmî mahzarında ikrâr ve takrîr-i kelâm edip kasaba-i merkūme kurbunda İren demekle ma‘rûf mevzi‘de vâki‘ bir tarafdan Niko v. ( ) bağına ve bir tarafdan Dimo v. Kosta bağına ve bir tarafdan vâdiye ve bir tarafdan tarîk-i âma müntehî ve mahdûd bir kıt‘a mülk bağımı cümle-i tevâbi‘ ve levâhıkı ile mezbûr Yani’ye dört bin beş yüz nakd-i fıddî-i Osmânî râyic fi’l-vakt akçeye bey‘-i bâtt-ı sahîh-i şer‘î ile bey‘ ve kabz-ı semen edip mebî‘-i mezkûru mahallinde kabza müşterî-i merkūmu taslît eyledim ba‘de’l-yevm sâlifü’l-beyân bir kıt‘a bağ merkūm Yani’nin mülk-i müşterâ-yı sarîhidir keyfe mâ yeşâ ve haysü mâ yürîd mutasarrıf olsun dedikde mukırr-ı mezbûrun minvâl-i muharrer üzre cârî olan ikrâr ve takrîrini el-mukarru lehü’l-mezbûr Yani vicâhen tasdîk ve tahkīk edicek mâ hüve’l-vâki‘ bi’t-taleb ketb olundu. Hurrire fî selhi Zilhicceti’ş-şerîfe li sene tis‘a ve ışrîn ve elf. Şuhûdü’l-hâl: Osman Bey b. Abdullah el-Cündî Ali b. Abdullah, Yakub b. Kurd, Nikola v. Dimo, Mihal v. Koli, Tanaş v. Dimitri, Yani v. Kiryazi.