Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 440 Hüküm no: 590 Orijinal metin no: [97a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kiro v. Nikola’nın evini Çevako v. Yorgo’ya satması Vilâyet-i Rumeli’nde Poganiye kazâsına tâbi‘ Poliçini nâm karyeden Kiro v. Nikola nâm zimmî mahfil-i kazâda işbu hâmilü’l-kitâb Çevako v. Yorgo muvâcehesinde ikrâr ve takrîr-i kelâm edip karye-i mezbûrede vâki‘ iki tarafdan benim mülküme ve bir tarafdan merkūm Çevako mülküne ve bir tarafdan tarîk-i âma müntehî bir fevkānî beyti ve mahzen ve zât-ı eşcâr-ı müsmireyi hâvî muhavvatayı müştemil mülk menzilimi cümle-i tevâbi‘ ve levâhıkı ile mezbûr Çevako’ya bin beş yüz elli nakd-i fıddî-i râyic fi’l-vakt akçeye bey‘-i bâtt-ı sahîh-i şer‘î ile bey‘ edip kabz-ı semen ve teslîm-i mebî‘ kıldım dedikde gıbbe’t-tasdîk mâ hüve’l-vâki‘ bi’t-taleb ketb olundu. Şuhûdü’l-hâl: Mustafa b. Mehmed, Yakub b. Kurd, Perviz b. Abdullah, Ali b. Abdullah, Kiro [v.] İstamo, Kiro [v.] Duka, Yorgi [v.] Yani, İstefo [v.] Yorgo, İsteryano [v.] Dimo, Yani [v.] Nikola.