Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 441 Hüküm no: 592 Orijinal metin no: [97a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hrisana bt. İstemad’ın yurt yerini Dimo v. Yorgi’ye satması Havâss-ı Aliyye kazâsı müzâfâtından Terkos nâhiyesine tâbi‘ Yenice nâm karye sâkinelerinden Hrisana bt. İstemad nâm nasrâniye meclis-i şer‘de işbu hâmilü’l-kitâb Dimo v. Yorgi nâm zimmî mahzarında ikrâr ve takrîr-i kelâm edip karye-i merkūmede vâki‘ bir tarafdan İstemad v. ( ) mülküne ve bir tarafdan Nikola v. ( ) mülküne ve bir tarafdan Ganbil v. ( ) mülküne ve bir tarafdan dereye müntehî mülk yurd yerimi cümle-i tevâbi‘ ve levâhıkı ile merkūm Dimo’ya üç yüz elli nakd-i râyic fi’l-vakt akçeye bey‘-i bâtt-ı sahîh-i şer‘î ile bey‘ ve kabz-ı semen ve teslîm-i mebî‘-i mahdûd eyledim ba‘de’l-yevm sâlifü’l-beyân yurd yeri mezbûr Dimo’nun mülk-i müşterâ-yı sarîhidir keyfe mâ yeşâ ve haysü mâ yürîd mutasarrıf olsun dedikde mukırr-ı mezbûrun ikrâr ve takrîrin el-mukarru lehü’l-merkūm Dimo vicâhen tasdîk ve şifâhen tahkīk edicek mâ hüve’l-vâki‘ bi’t-taleb ketb olundu. Hurrire fî 3 mine’l-Muharremi’l-harâm li sene selâsîn ve elf. Şuhûdü’l-hâl: Vasiko v. ( ), Küçük İstemad v. Yani, İstemad v. Yanori.