Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 445 Hüküm no: 599 Orijinal metin no: [98b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Beşe b. Abdullah’ın evini istiğlâl yoluyla Mustafa Çavuş Vakfı’na sattığı Havâss-ı Aliyye kazâsı tevâbi‘inden Hasköy mahallâtından Ahmed Çelebi mahallesinde sâkin olan Acemî İbrahim Beşe b. Abdullah nâm kimesne meclis-i şer‘-i şerîfde - el-masûn ani’t-tağyîr ve’t-tahrîf- hâzır olup âtiyyü’z-zikr menzilini merhûm Mustafa Çavuş vakfı’na kāimmakām-ı mütevellî olan hâmil-i hâze’l-kitâb Mehmed Çelebi b. Hasan’a bey‘ ettiğini ikrâr ve i‘tirâf etti. Mezbûr Mehmed Çelebi de vakf-ı mezbûr malıyla ve istiğlâl maksadıyla merkūm İbrahim Beşe’nin işbu akdin kendilerinden sudûruna kadar sâhibi ve mâliki olduğu elinde ve taht-ı tasarrufunda bulundurduğu mahalle-i mezbûrede vâki‘ bir tarafdan Defterdârzâde Ahmed Çelebi mülkü, diğer tarafdan Veli Beşe b. Abdullah mülkü, öbür tarafdan Cenan bt. Cafer mülkü ve diğer tarafdan da tarîk-i âm ile mahdûd mülk menzilini cümle tevâbi‘ ve levâhıkı ve kâffe-i menâfi‘ ve levâhıkı ile râyicü’l-vakt on altı bin akçe-i Osmânî semen-i mu‘ayyen-i makbûzla iştirâ etti. Bâyi‘-i mezbûrun menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyl-i kitâbda mezkûr günden bir sene tamâmına bin altı yüz [99a] akçe ücret-i kirâ mukābilinde menzil-i merkūmu icâreye verdi. Mütevellî-i merkūm, vâki‘ ikrârı vicâhen ve şifâhen tasdîk etti. Sonra mahalle-i mezbûre sükkânından Mehmed b. Abdullah, menzil-i mezbûra ve ücret-i merkūmeye îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’s-sâmin aşer min Zilhicce eş-şerîfe sene tis‘a ve ışrîn ve elf. Şuhûdü’l-hâl: Mehmed Çelebi b. Mustafa, Murtaza b. Mehmed, Receb b. Çırak, Mehmed b. Kasım