Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 460 Hüküm no: 622 Orijinal metin no: [102a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kiro v. Sanço’nun harman yerini Minho v. İstirati’ye satması Yine bâyi‘-i merkūm Kiro meclis-i şer‘de hâmilü’l-kitâb Minho v. İstirati nâm zimmî mahzarında bi’t-tav‘ ikrâr ve takrîr-i kelâm edip karye-i merkūme kurbunda vâki‘ bir tarafdan vakıf tarlaya ve bir tarafdan Korido v. Yorgo bağına ve bir tarafdan kiliseye ve bir tarafdan mekābir-i kefereye müntehî bir kıt‘a mülk harman yerimi cümle-i tevâbi‘ ve levâhıkıyla merkūm Minho’ya altı yüz nakd-i fıddî râyic fi’l-vakt akçeye bâtten bey‘ ve kabz-ı semen edip meblağ-ı mezkûru mahallinde kabza müşterî-i merkūm Minho’yu taslît eyledim ba‘de’l-yevm sâlifü’l-beyân harman yeri merkūm Minho’nun mülk-i müşterâsıdır keyfe mâ yeşâ mutasarrıf olsun dedikde gıbbe’t-tasdîk ketb olundu. Şuhûdü’l-hâl: es-Sâbıkūn.