Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 64 Hüküm no: 11 Orijinal metin no: [1(2)b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Mehmed’in miras iddiasının reddi Medîne-i Hazret-i Ebî Eyyûb el-Ensârî mahallâtından Davud Ağa mahallesinde sâkine Âişe bt. Mehmed nâm hâtun mahfil-i kazâda mahalle-i mezbûrede sâkine iken müteveffât olan Âişe bt. İbrahim nâm sagīrenin muhallefâtına vâzı‘atü’l-yed olan işbu bâ‘isetü’l-kitâb vâlidesi Sâliha bt. Turâbî nâm hâtun mahzarında takrîr-i kelâm edip müteveffât-ı mezbûre Âişe li ebeveyn karındaşım olup bundan akdem vefât eden İbrahim nâm kimesnenin sulbiye kızı olup ve ben mezbûre Âişe’nin ammetesi olmağla terekesinden bana âid olan hisse-i irsiyyemi merkūme Sâliha’dan da‘vâ ve taleb ederim dedikde sagīre-i mezbûrenin verâseti vâlidesi mezbûre Sâliha’ya münhasıra olup cemî‘ terekesine farzan ve redden vâlidesi merkūme Sâliha Hâtun müstahık olmağın mezbûre Âişe Hâtun bî-vech mu‘ârazadan men‘ olup mâ hüve’l-vâki‘ gıbbe’t-taleb ketb olundu. Fi’l-yevmi’s-sâdis min Cemâziyelevvel li sene seb‘a ve erba‘în ve elf. Şuhûdü’l-hâl: Receb Efendi b. Abdi, Mustafa Beşe Çukadâr, Mustafa b. Veli, Yakub b. Kurd, Cafer b. Abdullah ve gayruhüm.