Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 65 Hüküm no: 14 Orijinal metin no: [2a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Odrakob v. Kiryazi’nin çiftliğini ve bağını istiğlâl yoluyla Dârüssaâde Ağası Mustafa Ağa Vakfı’na sattığı Kazâ-i Havâss-ı Kostantıniyye müzâfâtından Cuhûd Burgaz deyû ma‘rûf yerde sâkin olan Odrakob v. Kiryazi nâm zimmî, âtiyyü’z-zikr menzilini dârü’s-sa‘âde ağası merhûm Mustafa Ağa vakfı mütevellîsi, karye-i mezbûrede vâki‘ hadâik-i sultâniye bahçelerinden Gazanfer Ağa bahçesinde üstâd olan hâmil-i hâze’l-kitâb Mustafa Bey b. Ahmed’e bey‘ ettiğini ikrâr ve i‘tirâf etti. Mütevellî-i merkūm da vakf-ı mezbûr malıyla ve istiğlâl maksadıyla, zimmî-i mesfûrun işbu akdin kendilerinden sudûruna kadar sâhibi ve mâlik olduğu, elinde ve taht-ı tasarrufunda bulundurduğu karye-i mezbûrede kâin ve iki tarafdan merhûm Sultan Bayezid Hân vakfı, iki tarafdan da tarîk-i âm ile mahdûd cemî‘-i mülk menzilini, çiftliğini ve hudûdu beynlerinde ma’lûm olan menzil-i mezbûr kurbundaki bağını cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt elli bin akçe semen-i mu‘ayyen-i makbûz mukābili safka-i vâhide ile ondan iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr târihden i‘tibâren bir sene tamâmına altı bin akçe ücret ile menzil-i mezbûru kirâya verdi. Mütevellî-i mezbûr vâki‘ ikrârı vicâhen ve şifâhen tasdîk etti. Cerâ zâlike ve hurrire fi’l-yevmi’l-ışrîn min şehri Rebî‘ulâhir sene seb‘a ve erba‘în ve elf. Şuhûdü’l-hâl: İslâm Efendi b. Abdülcelil, Mehmed Beşe b. Ali, Murad b. Abdullah, Ali Beşe b. Mustafa, Cafer b. Abdullah, Çukadâr Mustafa Beşe