Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 69 Hüküm no: 19 Orijinal metin no: [2b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çelebi b. Mehmed’in alacağı için Çukacı Yako’yu vekil tayin etmesi Mahmiye-i Kostantıniyye’de Kalenderhâne mahallesi sükkânından ve Merkepçibaşı oğlu demekle ma‘rûf Mustafa Çelebi b. Mehmed el-Cündî mahfil-i kazâda Yahud tâifesinden râfi‘ü’l-kitâb çukacı Yako nâm zimmî muvâcehesinde ikrâr ve takrîr-i kelâm edip mahalle-i merkūme[de] Darphâne kurbunda Çiçekçiler içinde vâki‘ odalarda sâkin Seyyid Ömer nâm kimesne zimmetinde siyah gulâm bahâsından olan iki yüz on aded riyâlî guruş hakkımı mezbûr Seydi Ömer’den ahz ve kabza ve bana îsâle ve kabz ve îsâl mütevakkıf olduğu cemî‘ umûra vekîl nasb eyledim dedikde ol dahi vekâlet-i mezbûreyi kabûl ve hizmet-i lâzımesin edâya ta‘ahhüd etmeğin mâ hüve’l-vâki‘ gıbbe’t-taleb ketb olundu. Târihuhü’l-mezbûr. Şuhûdü’l-hâl: Es-Sâbikūn.