Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 69 Hüküm no: 20 Orijinal metin no: [2b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yakobi v. Nikola’nın evini istiğlâl yoluyla Ali Ağa Vakfı’na sattığı Mahmiye-i Galata’da vâki‘ saray-ı sultânî kurbundaki Santa Marika mahallesinde sâkin olan Yakobi v. Nikola nâm zimmî, meclis-i şer‘-i Ahmedî’de hâzır olup âtiyyü’z-zikr menzilini, medîne-i Ebî Eyyûb el-Ensârî’de vâki‘ merhûm Ali Ağa vakfı’na mütevellî olan hâmil-i hâze’l-kitâb Abdurrahman Çelebi b. Habib’e bey‘ ettiğini ikrâr ve i‘tirâf etti. Mütevellî-i merkūm da vakf-ı mezbûr malıyla ve istiğlâl maksadıyla, zimmî-i mesfûrun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede kâin ve bir tarafdan Batista v. Baska mülkü, diğer tarafdan Hamarya v. Yanoli mülkü, öteki tarafdan Altıncı Mustafa Çelebi b. Abdullah mülkü ve diğer tarafdan da tarîk-i âm ile mahdûd bulunan cemî‘-i mülk menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt on bin akçe semen-i mu‘ayyen-i makbûzla ondan iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr ayın gurresinden üç sene tamâmına üç bin akçe ücret ile menzil-i mezbûru kirâya verdi. Mütevellî-i mezbûr vâki‘ ikrârı vicâhen ve şifâhen tasdîk etti. Sonra Batista v. Baska ve Cani v. Corco nâm zimmîlerin her biri îcâb ve kabûlü hâvî kefâletle menzil-i mezbûrun derkine ve asl-ı meblağ-ı mezbûra kefîl oldu. Cerâ zâlike ve hurrire fî evâili Cumâdelûlâ li târihi’l-mezbûr. Şuhûdü’l-hâl: İmâm Hasan Efendi b. Abdi, İmâm Alemüddin Efendi b. Süleyman, müezzin el-Hâc Davud b. Mehmed, kayyım Mustafa b. Süheyl, müezzin Mustafa b. Yusuf, İmâm Sefer Halîfe b. Veli, Yakub b. Kurd, Cafer b. Abdullah ve gayruhüm