Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 81 Hüküm no: 38 Orijinal metin no: [5a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil Beşe b. Hüseyin’in Mehmed Çelebi b. Abdullah’a olan borca kefil olması Gemici tâifesinden Halil Beşe b. Hüseyin nâm kimesne mahfil-i kazâda râfi‘ü hâze’l-kitâb Mehmed Çelebi b. Abdullah muvâcehesinde bi tav‘i[hî] ikrâr ve i‘tirâf edip mezbûr Mehmed Çelebi’ye karz-ı şer‘îden vâcibü’l-edâ ve lâzımü’l-kazâ sekiz bin akçe deynim vardır dedikde mukırr-ı merkūm Halil’in vech-i meşrûh üzre cârî olan ikrârını el-mukarru lehü’l-merkūm Mehmed Çelebi vicâhen tasdîk ve şifâhen tahkīk eyledikden sonra meblağ-ı mezbûra tarafından emr ve kabûlü hâviye kefâletle mezbûr Halil’in zevcesi Fâtıma bt. Hüseyin nâm hâtun kefîl bi’l-mâl olmağın mâ hüve’l-vâki‘ hıfzan li’l-makāl ketb ve imlâ olundu. Hurrire fi’l-yevmi’s-sâbi‘ aşer min Cumâdelûlâ târihihi’l-mezbûr. Şuhûdü’l-hâl: Şaban Çelebi b. ( ), Ahmed Reis b. el-Hâc Hasan, Hüseyin b. Hasan, Yakub b. Kurd, Ali Beşe b. Abdullah, Cafer b. Abdullah, Mustafa.