Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 94 Hüküm no: 58 Orijinal metin no: [8b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Hüseyin’in koyunlarını Androni v. Polihroni’ye sattığı Vilâyet-i Rumeli’nde cezîre-i Mora’da Kartine kazâsına tâbi‘ Laste nâm karye sâkinlerinden Mehmed Çelebi b. Hüseyin Çelebi nâm kimesne meclis-i şer‘-i hatîr-i lâzımü’t-tevkīrde kazâ-i mezbûra tâbi‘ Garabniçe nâm karye sâkinlerinden işbu hâmilü’s-sifr Androni v. Polihroni nâm zimmî muvâcehesinde bi’t-tav‘i’s-sâf ikrâr ve i‘tirâf edip karye-i mezbûre Laste’de ra‘y olunur ( ) nâm kimesne yedinden beynimizde şer‘î ile ma‘lûm seksen re’s koyunumu her bir re’si kırkar akçe olmak üzre cem‘an üç bin iki yüz fıddî nakd-i râyic fi’l-vakt akçeye bey‘ edip ol dahi vech-i meşrûh üzre iştirâ ve kabûl eyleyip semen-i mezbûr üç bin iki yüz akçeyi mezbûr Androni yedinden tamâmen alıp kabz edip zikr olunan ağnâmı mahallinde mezbûr ( ) yedinden ahz ve kabza mezbûr Androni’yi taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’s-sâmin ve’l-ışrîn min Cemâziyelevvel li sene seb‘a ve erba‘în ve elf. Şuhûdü’l-hâl: Baba Yusuf Bey b. ( ), Mehmed b. Memi, Ahmed Bey b. Emrullah, Umur Çelebi b. Yusuf Bey ve gayruhüm.