Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 97 Hüküm no: 63 Orijinal metin no: [9b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstirati v. Keretsi’nin Yenikapı’daki odasını Yani v. Dimo’ya sattığı Taşçı tâifesinden İstirati v. Keretsi nâm zimmî asâleten ve Duka nâm zimmî tarafından bey‘-i âti’z-zikre vekîl olup vekâleti İstirati ve Kebka nâm zimmîler şehâdetleri ile sâbite olan oğlu Kiro nâm zimmî vekâleten mahfil-i kazâda râfi‘ü hâze’l-kitâb Yani v. Dimo nâm zimmî muvâcehesinde her biri asâleten ve vekâleten ikrâr ve i‘tirâf edip mahmiye-i Kostantıniyye ebvâbından Yenikapı hâricinde vâki‘ Kiri Nikola taşlığı kurbunda Yeni Ocak Taşlığı demekle ma‘rûf taşlıkda Ömer Efendi nâm kimesneden tefvîz eylediği taşlık arsasında ber vech-i iştirâk binâ eylediğimiz bir bâb tahtânî odayı mezbûr Yani’ye fıddî râyic fi’l-vakt iki bin beş yüz akçeye asâleten ve vekâleten bey‘-i bâtt-ı sahîh-i şer‘î ile bey‘ edip kabz-ı semen ve teslîm-i müsemmen eyledik. Ba‘de’l-yevm zikr olunan oda mezbûr Yani’nin mülk-i müşterâsıdır dedikde gıbbe’t-tasdîki’ş-şer‘î mâ vaka‘a ketb olundu. Hurrire fi’l-yevmi’s-sânî ve’l-ışrîn min Cumâdelâhire li sene seb‘a ve erba‘în ve elf. Şuhûdü’l-hâl: Yakub b. Kurd, Ali Beşe b. Abdullah, Mustafa b. Veli, Göka [v.] Dimo, Dimo [v.] Kiti, Kiro [v.] Diro, Göka [v.] Nikola ve gayruhüm.