Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 101 Hüküm no: 69 Orijinal metin no: [10a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Turâbî’nin muhâlaa yoluyla boşandığı Ebî Eyyûb el-Ensârî mahallâtından Uluca Baba mahallesinde sâkine olan Fâtıma bt. Turâbî nâm hâtun hâmil-i hâze’l-kitâb Bâli Beşe b. Derviş nâm zevci ile nikâhı esnâsında ta‘ahhüd edilen râyicü’l-vakt altı yüz akçe mehr-i müecceli, iddet nafakası ve me’ûnet-i süknâsı üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’s-sânî ve’l-ışrîn li târihi’l-mezbûr. Şuhûdü’l-hâl: Mehmed Beşe b. Hamza, Musa b. Teberrük, Halil b. ( ), Mustafa Beşe b. Mahmud, Mustafa b. ( ), Mahmud b. Ahmed.