Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 103 Hüküm no: 74 Orijinal metin no: [11a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdi Beşe b. İbrahim’in Şeyh Sefer Efendi Vakfı’ndan ödünç aldığı Medîne-i mahmiye-i Kostantıniyye mahallâtından Kethüdâ Kadın câmi‘i kurbunda sâkin olan Abdi Beşe b. İbrahim nâm kimesne meclis-i şer‘-i şerîfde hâzır olup, medîne-i Ebî Eyyûb el-Ensârî’de vâki‘ merhûm Şeyh Sefer Efendi vakfı’na mütevellî olan (…) Halîfe b. Mustafa mahzarında vakf-ı mezbûr malından ve karz cihetinden üzerinde ve zimmetinde râyicü’l-vakt üç bin akçe ve nev‘i ve cinsi beynlerinde ma’lûm olan çuka bahâsından da bin akçe borcu olduğunu ikrâr ve i‘tirâf etti. Karz dışındaki meblağ zeylde mezkûr Cumâdelûlâ ayının gurresinden üç sene tamâmına müecceldir. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra Câmi‘-i merkūm müezzini Zülfikār Halîfe b. Ali nâm kimesne ve mukırr-ı mezbûrun zevcesi Fâtıma Hâtun bt. Abdullah nâm hâtun meblağ-ı mezbûra îcâb ve kabûlü hâvî kefâletle kefîl oldu. Cerâ zâlike ve hurrire fî evâhiri Cumâdelûlâ sene seb‘a ve erba‘în ve elf. Şuhûdü’l-hâl: Mehmed Çelebi b. Ramazan, Murtaza Halîfe b. Mehmed, Mehmed Çelebi b. Pîrî, diğer Mehmed Çelebi b. Hasan Efendi, Ali b. Mustafa ve gayruhüm