Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 106 Hüküm no: 79 Orijinal metin no: [11b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Bey b. Abdullah’ın evini istiğlâl yoluyla Bayram Bey Vakfı’na sattığı Hazret-i Ebî Eyyûb el-Ensârî mahallâtından Davud Ağa mahallesinde sâkin olan Mehmed Bey b. Abdullah nâm kimesne âtiyyü’z-zikr menzilini, merhûm Bayram Bey vakfı’na mütevellî olan hâmil-i hâze’l-kitâb Hüseyin Halîfe b. Şaban’a bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, mezbûr Mehmed Bey’in işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i merkūmede kâin bulunan bir tarafdan Seyyid İbrahim Çelebi mülkü, diğer tarafdan arabacı Mustafa mülkü, öteki tarafdan Âişe Hâtun mülkü ve diğer tarafdan da tarîk-i âm ile mahdûd olan cemî‘-i menzilini cümle tevâbi‘ ve levâhıkıyla râyicü’l-vakt üç bin akçe semen-i mu‘ayyen-i makbûzla ondan iştirâ etti. Mütevellî-i mezbûr, vâki‘ ikrârı vicâhen ve şifâhen tasdîk etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr târihden üç sene tamâmına bin yüz yirmi beş akçe ücret ile menzil-i mezbûru kirâya verdi. Cerâ zâlike ve hurrire fî gurreti Cumâdelûlâ sene sene seb‘a ve erba‘în ve elf. Şuhûdü’l-hâl: Es-Sâbikūn