Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 107 Hüküm no: 81 Orijinal metin no: [11b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muzaffer Bey b. Abdullah’ın Ferhed v. Şehir’e kiremit ve tuğla sattığı Havâss-ı Aliyye kazâsı müzâfâtından Hasköy’de Abdüsselâm mahallesinde sâkin Muzaffer Bey b. Abdullah nâm kimesne meclis-i şer‘-i hatîr-i lâzımü’t-tevkīrde işbu hâmilü’s-sifr Ferhed v. Şehir nâm Ermeni muvâcehesinde ikrâr ve i‘tirâf edip mezbûr Ferhed’e yirmi dört bin çek kiremid ve otuz beş bin çek tuğlayı nakd-i râyic fi’l-vakt dokuz bin akçeye tarafeynden îcâb ve kabûlü hâvî bey‘-i bâtt-ı sahîh-i şer‘i ile bey‘ edip ol dahi vech-i meşrûh üzre iştirâ ve kabûl eyledikden sonra semeni mezbûr dokuz bin akçeyi mezbûr Ferhed yedinden bi’t-tamâm ve’l-kemâl ahz ve kabz edip teslîm-i mebî‘ eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fî selhi Cemâziyelevvel li sene seb‘a ve erba‘în ve elf. Şuhûdü’l-hâl: Hüseyin b. Yusuf, Şaban b. Abdullah, Süleyman Halîfe el-İmâm, Mehmed b. Abdullah, Mustafa b. Veli, Cafer b. Abdullah ve gayruhüm.