Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 209 Hüküm no: 194 Orijinal metin no: [26a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Ağa b. Mahmud Ağa’nın Ümmühani bt. Ahmed’deki alacağını tahsil ettiği Mahmiye-i İstanbul’da Dülgerzâde mahallesinde sâkin Mehmed Ağa b. Mahmud Ağa nâm kimesne meclis-i şer‘-i hatîr-i lâzımü’t-tevkīrde işbu bâ‘isetü’l-kitâb Ümmühâni bt. Ahmed nâm hâtun mahzarında ikrâr ve takrîr-i kelâm edip mezbûre Ümmühâni zimmetinde cihet-i deyn-i şer‘îden on bir bin cedîd akçe hakkım olup meblağ-ı mezbûrun yedi bin beş yüz akçesini mezbûre Ümmühâni yedinden ahz u kabz edip zimmetinde bâkī üç bin beş yüz akçe hakkım kalmağla meblağ-ı mezbûr üç bin beş yüz akçeye işbu hâzır bi’l-meclis olan Ali Çelebi b. Ebûbekir nâm kimesne tarafından emr ve kabûlü hâviye kefâlet-i sahîha-i şer‘iyye ile kefîl bi’l-mâl olmağın meblağ-ı mezbûr üç bin beş yüz akçeyi dahi kefîl-i mezbûr Ali Çelebi yedinden tamâmen ahz u kabz eyledim mezbûre Ümmühâni Hâtun zimmetinde bir akçe ve bir habbe hakkım bâkī kalmadı, husûs-ı mezbûra müte‘allika âmme-i de‘âvâdan zimmetini ibrâ-i âmla ibrâ ve iskāt eyledim dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min Cemâziyelevvel li sene 1077. Şuhûdü’l-hâl: Hüseyin Çavuş b. Abdullah, Şükrullah Çelebi b. Mustafa, Abdi Çelebi b. Hüseyin, İbrahim Çelebi b. ( ).