Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 129 Hüküm no: 112 Orijinal metin no: [17a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İskari v. Dimitri’nin evini istiğlâl yoluyla Mehmed Bey Vakfı’na sattığı Mahmiye-i Kostantıniyye mahallâtından Abdi Subaşı mahallesinde sâkin olan İskari v. Dimitri nâm zimmî, âtiyyü’z-zikr menzilini, merhûm Mehmed Bey vakfı’na mütevellî olan hâmil-i hâze’l-kitâb Sinan Efendi b. Mustafa’ya bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, zimmî-i mezbûrun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i merkūmede kâin bulunan ve bir tarafdan Pinatzi v. İli mülkü, diğer tarafdan Kostantin mülkü, öteki tarafdan Lebdur mülkü ve diğer tarafdan da tarîk-i âm ile mahdûd bulunan cemî‘-i menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt beş bin akçe semen-i mu‘ayyen-i makbûzla ondan iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr târihden üç sene tamâmına iki bin sekiz yüz yetmiş beş akçe ücret ile menzil-i mezbûru kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra Yani v. Dimitri ve Kosta v. Dimo ve Kiryazi v. Kostantin nâm zimmîlerin her biri îcâb ve kabûlü hâvî kefâletle menzil-i mezbûrun derkine ve ücret-i merkūmeye kefîl oldu. Cerâ zâlike ve hurrire fi’l-yevmi’l-hâdî aşer min Cumâdelâhire sene seb‘a ve erba‘în ve elf. Şuhûdü’l-hâl: Şeyh Mehmed Çelebi b. Pîrî, müezzin Murtaza Halîfe b. Mehmed, Hüseyin Çelebi b. Abdi, Şeyhî Çelebi b. Hüseyin, Mustafa b. Mustafa