Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 129 Hüküm no: 113 Orijinal metin no: [17a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe Hatun bt. Mustafa’nın evini istiğlâl yoluyla Ali Ağa Vakfı’na sattığı Ebî Eyyûb el-Ensârî mahallâtından Baba Haydar mahallesinde sâkine olan Âişe Hâtun bt. Mustafa nâm hâtun âtiyyü’z-zikr menzilini merhûm Ali Ağa vakfı’na mütevellî olan hâmil-i hâze’l-kitâb Abdurrahman Çelebi b. Habib’e bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, mezbûre Âişe Hâtun’un işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i merkūmede kâin bulunan ve bir tarafdan Süleyman mülkü, diğer tarafdan diğer Süleyman vakfı, öteki tarafdan Kamer Hâtun mülkü ve diğer tarafdan da tarîk-i âm ile mahdûd bulunan cemî‘-i menzilini cümle tevâbi‘ ve levâhıkı ile râyicü’l-vakt bir guruş yüz yirmi beş akçe hesâbı üzre kırk yedi buçuk riyâlî guruş semen-i mu‘ayyen-i makbûzla ondan iştirâ etti. Bâyi‘a-i mezbûrenin menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr târihden üç sene tamâmına bin yedi yüz on akçe ücret ile menzil-i mezbûru kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra mukırra-i mezbûrenin zevci Receb Bey b. Hızır ve mukırra-i mezbûrenin kız karındaşı Âsiye Hâtun bt. Mustafa nâm kimesnelerin her biri menzil-i mezbûrun derkine, ücret-i merkūmeye ve bey‘-i mezbûra îcâb ve kabûlü hâvî kefâletle kefîl oldu. Cerâ zâlike ve hurrire fî târihi’l-mezbûr. Şuhûdü’l-hâl: Şeyh Hasrullah Efendi b. Ömer Efendi, fahrü’l-müderrisîn Avnullah Efendi b. merhûm Ömer Efendi, İmâm Alemüddin Efendi b. Süleyman, İmâm Hasan Çelebi b. Abdullah, müezzin el-Hâc Davud, İlyas Çelebi b. Yakub, Şaban Halîfe b. Kenan, kayyım Mustafa b. İsmail, müezzin Mustafa b. Yusuf ve gayruhüm