Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 131 Hüküm no: 115 Orijinal metin no: [17b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kerime bt. Yusuf’un evini istiğlâl yoluyla Sefer Efendi Vakfı’na sattığı Ebî Eyyûb el-Ensârî mahallâtından Davud Ağa mahallesinde sâkine olan Kerime bt. Yusuf nâm hâtun meclis-i şer‘-i şerîfde hâzıre olup âtiyyü’z-zikr menzilini merhûm Sefer Efendi vakfı’na mütevellî olan hâmil-i hâze’l-kitâb Sinan Efendi b. Mustafa’ya bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, mezbûre Kerime hâtunun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i merkūmede kâin bulunan bir tarafdan Mehmed Çelebi mülkü, diğer tarafdan İbrahim Ağa mülkü, öteki tarafdan Hamza mülkü ve diğer tarafdan da tarîk-i âm ile mahdûd cemî‘-i menzilini cümle tevâbi‘ ve levâhıkı ile râyicü’l-vakt iki bin akçe semen-i mu‘ayyen-i makbûzla iştirâ etti. Bâyi‘a-i mezbûrenin menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr târihden üç sene tamâmına dokuz yüz akçe ücret ile menzil-i mezbûru kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra mukırra-i mezbûrenin zevcesi Ali Çelebi b. Mehmed, Hasan Çelebi b. Ahmed Efendi ve Âişe Hâtun bt. Ahmed nâm kimesnelerin her biri menzil-i merkūmun derkine ve ücret-i merkūmeye, îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’r-râbi‘ aşer min Cumâdelâhire sene seb‘a ve erba‘în ve elf. Şuhûdü’l-hâl: Mehmed Çelebi b. Pîrî, Mehmed Çelebi b. Ramazan, müezzin Murtaza Halîfe b. Mehmed, Şeyhî Çelebi b. Hüseyin, Hüseyin Çelebi b. Abdi, Mustafa b. Yusuf ve gayruhüm