Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 131 Hüküm no: 116 Orijinal metin no: [17b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Mustafa ile Mehmed Beşe’nin boşanması Mahmiye-i Kostantıniyye ebvâbından Eğrikapı dâhilinde vâki‘ el-Hâc İlyas mahallesi sâkinelerinden Âişe bt. Mustafa nâm hâtun mahfil-i kazâda râfi‘-i hâze’l-kitâb zevci Mehmed Beşe muvâcehesinde bi tav‘ihâ ikrâr ve i‘tirâfa edip zevcim mezbûr Mehmed ile yedinden bir kaliçe ve bir yemeni yük perdesi ve bir kebe ve bir sahan ve bir tencere alıp kabz eylediğimden sonra zimmetinde mütekarrir olan bin akçe mehr-i müeccelim ve nafaka-i iddetim ve me’ûnet-i süknâm üzerine muhâla‘a eyledim ba‘de’l-yevm her birimiz zevciyyete müte‘allik da‘vâ ve husûmâtdan âharın zimmetinin ibrâ-i âmm-ı kātı‘ü’n-nizâ‘la ibrâ ve iskāt eyledik dedikde mukırra-i merkūme Âişe’nin vech-i meşrûh üzre muhâla‘a eylediğini şifâhen tahkīk etmeğin mâ vaka‘a gıbbe’t-taleb ketb olundu. Târihü’l-mezbûr. Şuhûdü’l-hâl: Yakub b. Kurd, Mahmud b. Ahmed, Ali b. Mustafa, Cafer b. Abdullah, Mustafa b. Veli.