Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 132 Hüküm no: 117 Orijinal metin no: [17b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstati v. Dimo’nun zeytin bahçesini İstati v. Dimo Karava’ya sattığı Vilâyet-i Rumeli’nde Aydonat kazâsına tâbi‘ Ordızova nâm karye sâkinlerinden İstati v. Dimo nâm zimmî meclis-i şer‘-i hatîr-i lâzımü’t-tevkīrde yine karye-i mezbûre sâkinlerinden işbu hâmilü’s-sifr diğer İstati v. Dimo Karava nâm zimmî muvâcehesinde bi’t-tav‘i’s-sâf ikrâr ve i‘tirâf edip karye-i mezbûre hudûdu dâhilinde bir tarafdan Andon bahçesi ile ve bir tarafdan Dimo bahçesi ve bir tarafdan Yano v. Pavlo bahçesi ve bir tarafdan mezbûr İstati bahçesi ile mahdûd ve mümtâz bir kıt‘a otuz beş dip zeytin eşcârını müştemil mülk bahçeyi mezbûr İstati’ye fıddî nakd-i râyic fi’l-vakt üç bin akçeye tarafeynden îcâb ve kabûlü hâvî bey‘-i bâtt-ı sahîh-i şer‘i ile bey‘ edip ol dahi vech-i meşrûh üzre iştirâ ve kabûl eyledikden sonra semeni mezbûr üç bin akçeyi müşterî-i mezbûr İstati yedinden tamâmen ahz ve kabz edip mebî‘-i mezbûru mahallinde zabt ve tasarrufa mezbûr İstati’yi taslît eyledim ba‘de’l-yevm zikr olunan bahçe mezbûr İstati’nin mülk-i müşterâsı olmuşdur dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’s-sâdis aşer min Cemâziyelâhir li sene seb‘a ve erba‘în ve elf. Şuhûdü’l-hâl: Mustafa Beşe b. Mahmud, Ali b. Mustafa, Mahmud b. Ahmed, Koçi v. Vasil, Rizo v. İstati, Mihal [v.] Yorgi, Nikola v. Kika, Dimo [v.] Serc?, Dimo [v.] Yani.