Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 137 Hüküm no: 125 Orijinal metin no: [19a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kiro v. Yani’nin tarlasını Minho ve Duşe v. Kiro’ya sattığı Medîne-i Rumeli’nde Delvine kazâsına tâbi‘ Nice nâm karye sâkinlerinden Kiro v. Yani nâm zimmî mahfil-i kazâda işbu bâ‘isü’l-kitâb Minho ve Duşe v. Kiro nâm zimmîler taraflarından asâleten ve âhar karındaşları Yani ve İstirati nâm zimmîler tarafından ikrâr-ı âti’z-zikri tasd[îka] vekîl olup vekâletleri bimâ hüve nehcü’s-sübût şer‘an sâbite oldukdan sonra vekâleten mahzarlarında ikrâr-ı tâm ve takrîr-i kelâm edip karye-i mezbûre sınırında vâki‘ bir tarafdan Andriye v. Lika tarlası ve bir tarafdan Koca Toye tarlası ve bir tarafdan Derviş Kiro tarlası ve bir tarafdan Minho v. Kiro ta[r]lası ile mahdûd tahmînen bir buçuk keyl tohum istî‘âb eder bir kıt‘a tarlamın hakk-ı tasarrufunu, mezbûrûna ma‘rifet-i sâhib-i arz ile fıddî râyic fi’l-vakt dört bin akçe bedel mukābelesinde tefvîz edip onlar dahi vech-i muharrer üzre tefevvuz ve kabûl eylediklerinden sonra bedel-i tefevvuz olan meblağ-ı merkūm dört bin akçeyi yedlerinden ahz ve kabz edip müfevvaz-ı mezkûru mahallinde kabza merkūmûnu taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’l-hâdî ve’l-ışrîn min Cumâdelâhire li sene seb‘a ve erba‘în ve elf. Şuhûdü’l-hâl: Es-Sâbikūn.