Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 143 Hüküm no: 135 Orijinal metin no: [21a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Vero’nun Kokana bt. Kostantin’e borçlu olduğu Mahmiye-i Kostantıniyye sûru ebvâbından Eyyûb el-Ensârî kapısı dâhilinde vâki‘ Mustafa Paşa mahallesinde sâkin Yani v. Vero nâm zimmî mahfil-i kazâda işbu râfi‘atü’l-kitâb mahalle-i mezbûrede sâkine Kokana bt. Kostantin nâm Nasrâniye tarafından ikrâr-ı âti’z-zikri tasdîka vekîl olup vekâleti hasm-ı câhid mahzarında Todori v. Manol ve Sofyanos v. Kiryaki nâm zimmîler şehâdetleri ile şer‘an sâbite olan Yamandi v. Yanaki muvâcehesinde bi’t-tav‘i’s-sâf ikrâr ve i‘tirâf edip mezbûre Kokana’ya cihet-i karzdan zimmetimde yirmi dört bin nakd-i râyic fi’l-vakt fıddî akçe ki te’kîden li’l-asl nısfı on iki bin akçe eder lâzımü’l-edâ ve vâcibü’l-kazâ deynim vardır dedikde mukırr-ı merkūm Yani’nin vech-i muharrer üzre cârî ve sâdır olan ikrâr ve i‘tirâfını vekîl-i mezbûr Yamandi vicâhen tasdîk ve şifâhen tahkīk etmeğin mâ hüve’l-vâki‘ bi’t-taleb ketb olundu. Târihuhü’l-mezbûr. Şuhûdü’l-hâl: Es-Sâbikūn.