Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 149 Hüküm no: 143 Orijinal metin no: [22b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Panayot v. Yani’nin bağını Hristo v. Yani’ye sattığı Vilâyet-i Rumeli’nde Yenişehir kazâsı müzâfâtından Kûhistan nâhiyesine tâbi‘ Haraçonca nâm karye sâkinlerinden Panayot v. Yani nâm zimmî meclis-i şer‘-i hatîr-i lâzımü’t-tevkīrde işbu hâmilü’s-sifr Hristo v. Yani nâm zimmî muvâcehesinde bi’t-tav‘i’s-sâf ikrâr ve i‘tirâf edip karye-i mezbûre hudûdu dâhilinde vâki‘ bir tarafdan İstati v. Dimitri bağı ve bir tarafdan Todori v. Mihal bağı ve bir tarafdan dere ve bir tarafdan tarîk-i âm ile mahdûd iki çapalık bir kıt‘a mülk bağımı mezbûr Hristo’ya fıddî nakd-i râyic fi’l-vakt bin akçeye tarafeynden îcâb ve kabûlü hâvî bey‘-i bâtt-ı sahîh-i şer‘i ile bey‘ edip ol dahi vech-i meşrûh üzre iştirâ ve kabûl eyledikden sonra semen-i mezbûr bin akçeyi mezbûr Hristo yedinden bi’t-tamâm ve’l-kemâl ahz ve kabz edip mebî‘-i mezbûru mahallinde zabt ve tasarrufa mezbûr Hristo’yu taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’s-sâdis ve’l-ışrîn min şehri Recebi’l-ferd li sene seb‘a ve erba‘în ve elf. Şuhûdü’l-hâl: Mahmud b. Ahmed Mustafa b. Veli, Cafer b. Abdullah, Dimo v. Palo, Todori [v.] Mihal, Yorgi v. Mihal, Yorgi v. İstemad, Dimo v. Yorgi ve gayruhüm.