Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 149 Hüküm no: 144 Orijinal metin no: [22b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Hüseyin’in muhâlaa yoluyla boşandığı Medîne-i Hazret-i Ebî Eyyûb el-Ensârî mahallâtından Yâ Vedûd mahallesinde sâkine olan Fâtıma bt. Hüseyin nâm hâtun meclis-i şer‘-i şerîfde hâzıre olup hâmil-i hâze’l-kitâb İbrahim b. Mustafa nâm zevci ile, nikâhında ta‘ahhüd edilen râyicü’l-vakt üç bin akçe mehr-i müecceli, iddet nafakası ve me’ûnet-i süknâsı üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’s-sâbi‘ ve’l-ışrîn min şehri Recebi’l-ferd sene seb‘a ve erba‘în ve elf. Şuhûdü’l-hâl: Mehmed b. Ali, İbrahim b. Hüdâverdi, Mehmed b. Abdi, Mahmud b. Abdullah, Abdi Halîfe b. Selim ve gayruhüm