Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 150 Hüküm no: 146 Orijinal metin no: [23a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Harun v. Karun ve Salamon v. Yakvan adlı Yahudilerin ev ve bahçelerinin satılması için vekâlet verdikleri [Tasdîk 1] Aşağıdaki hüccetin muhtevâsı tarafımdan görülmüşdür. Ben fakīr, Havâss-ı Aliyye kadısıyım. Ufiye anhu. [Tasdîk 2] El-Emru hasbe mâ rukime fîhi. Bunu el-fakīr ileyhi te‘âlâ Hasköy kasabası müvellâsı Hasan b. Sefer tahrîr etti. Ufiye anhümâ. Kazâ-i Havâss-ı Aliyye tevâbi‘inden Hasköy nâm karye sükkânından Harun v. Karun ve Salamon v. Yakvan nâm Yahudiyân, meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzırân olup âtiyyü’l-beyânı münkir hasm-ı câhid mahzarında karye-i mezbûrede sâkin olan Lazar v. Yasef’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki Yahuda v. Avraham nâm Yahudi, karye-i mezbûrede bulunan evinin ve bahçesinin bey‘ine semenini kabz ve îsâle ve kabz ve îsâl için lâzım gelen husûsâta müdde‘î-i mezbûru vekîl edip nefsine nâib kıldı. Mezbûr da vekâlet-i merkūmeyi kabûl edip hizmet-i lâzimesini edâyı ta‘ahhüd etti. Şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber oldu. Cerâ zâlike ve hurrire fi’l-yevmi’s-sâmin min Saferi’l-hayr sene seb‘a ve erba‘în ve elf. Şuhûdü’l-hâl: Ali Beşe b. Abdullah, Abdünnebi b. Veli, Mahmud b. Hasan, Mustafa b. Halil, Mahmud b. Mirza, Sarrâc-ı sultânî Mehmed b. Muslihiddin, Bevvâb-ı sultânî Mehmed b. Muslihiddin, Hammâmî Ahmed b. Mustafa ve gayruhüm