Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 152 Hüküm no: 148 Orijinal metin no: [23a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Reis b. Mustafa’nın evini istiğlâl yoluyla Ali Ağa Vakfı’na sattığı Medîne-i Hazret-i Ebî Eyyûb el-Ensârî mahallâtından Kasım Paşa mahallesinde sâkin olan Mehmed Reis b. Mustafa nâm kimesne meclis-i şer‘-i şerîfde hâzır olup âtiyyü’z-zikr menzilini medîne-i mezbûrede vâki‘ merhûm Ali Ağa vakfı’na mütevellî olan hâmil-i hâze’l-kitâb Abdurrahman Çelebi b. Habib’e bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, mezbûr Mehmed Reis’in işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i merkūmede kâin bulunan bir tarafdan Ahmed Beşe b. Abdullah mülkü, iki tarafdan tarîk-i âm ve diğer tarafdan da tarîk-i hâs ile mahdûd cemî‘-i menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt dokuz bin akçe semen-i mu‘ayyen-i makbûzla iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr ayın gurresinden üç sene tamâmına iki bin yedi yüz akçe ücret ile menzil-i mezbûru kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Cerâ zâlike ve hurrire fi’l-yevmi’s-sâbi‘ ve’l-ışrîn min Recebi’l-ferd sene seb‘a ve erba‘a ve elf. Şuhûdü’l-hâl: Mustafa Halîfe b. İsa, Ahmed Efendi b. Kâtib, Yakub b. Kurd, Cafer b. Abdullah ve gayruhüm