Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 152 Hüküm no: 149 Orijinal metin no: [23a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ademi v. Anastaş’ın dükkanını Tolo v. Mihal’e sattığı Vilâyet-i Rumeli’nde Karaferye kazâsına tâbi‘ Agustos nâm karye sâkinlerinden Ademi v. Anastaş nâm zimmî meclis-i şer‘-i hatîr-i lâzımü’t-tevkīrde işbu hâmilü’s-sifr Tolo v. Mihal nâm zimmî muvâcehesinde bi’t-tav‘i’s-sâf ikrâr ve i‘tirâf edip karye-i mezbûrede vâki‘ üç tarafdan Kiro v. Perek nâm zimmî mülkü ve taraf-ı râbi‘den tarîk-i âm ile mahdûd bir bâb mülk nalçacı dükkânımı mezbûr Tolo’ya fıddî nakd-i râyic fi’l-vakt iki bin beş yüz akçeye tarafeynden îcâb ve kabûlü hâvî bey‘ bi’l-vefâ ile bey‘ edip ol dahi vech-i meşrûh üzre iştirâ ve kabûl eyledikden sonra semen-i mezbûr iki bin beş yüz akçeyi mezbûr Tolo yedinden tamâmen alıp kabz eyledim eğer târih-i kitâbdan yüz seksen gün tamâmına değin meblağ-ı mezbûru merkūm Tolo’ya edâ etmezsem bey‘-i mezbûr bâtta münkalib olup keyfe mâ yeşâ’ mutasarrıf olsun dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin ve’l-ışrîn [min] târihi’l-mezbûr. Şuhûdü’l-hâl: Mustafa Beşe b. Mahmud, Yakub b. Kurd, Mahmud b. Ahmed, Nikola [v.] Kosta, Angeli [v.] Mino, Angeli [v.] Avyaro, Anastaş v. ( ), Zahori [v.] Darak, Kiryaki v. ( ).