Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 153 Hüküm no: 150 Orijinal metin no: [23b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todori v. Yani’nin ölen Aleksandri’deki parasını varisinden aldığı Vilâyet-i Rumeli’nde Mora sancağında Mizistre nâhiyesine tâbi‘ Konha nâm karyeden Todori v. Yani nâm zimmî mahfil-i kazâda râfi‘ü hâze’l-kitâb Nikite v. Aleksandri nâm zimmî muvâcehesinde bi tav‘ihî ikrâr ve i‘tirâf edip mezbûr Nikite’nin bundan akdem mürd olan babası mezbûr Aleksandri’nin dâyini olan Yorgi v. Bülbül nâm zimmîye vekâletim hasebiyle edâ ve teslîm eylediğim altı bin akçeyi kable’r-rücû‘ merkūm Aleksandri hâlik olmağla hâlâ metrûkâtından oğlu mezbûr Nikite yedinden meblağ-ı merkūm altı bin akçeyi bi’t-tamâm ve’l-kemâl alıp kabz eyledim ba‘de’l-yevm bir akçe ve bir habbe alacağım kalmadı dedikde mukırr-ı merkūm Todori’nin vech-i muharrer üzre sâdır olan ikrârını mezbûr Nikite vicâhen tasdîk ve şifâhen tahkīk edicek mâ hüve’l-vâki‘ gıbbe’t-taleb ketb olundu. Fi’l-yevmi’t-tâsi‘ ve’l-ışrîn min Recebi’l-ferd li sene seb‘a ve erba‘în ve elf. Şuhûdü’l-hâl: Yakub b. Kurd, Mahmud b. Ahmed, Mustafa b. Veli, Cafer b. Abdullah, Sofilo v. Angeli, Polihroni v. Korça, Laskari v. Nikola, Nikola v. Romani, Nikola v. Yani, Yani v. Konlo, Yorsa [v.] Yani.