Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 157 Hüküm no: 158 Orijinal metin no: [24a-5, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Şaban’ın muhâlaa yoluyla boşandığı Medîne-i Hazret-i Ebî Eyyûb el-Ensârî mahallâtından Emir Buhârî mahallesinde sâkine olan, bülûğ ve rüşdünü mu‘terife olan ve cüsse ve yaşı da bunu mütehammil bulunan Fâtıma bt. Şaban nâm hâtun hâmil-i hâze’l-kitâb Ahmed b. İbrahim nâm zevci ile nikâhında ta‘ahhüd edilen râyicü’l-vakt bin akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fî selhi Recebi’l-mürecceb sene seb‘a ve erba‘a ve elf. Şuhûdü’l-hâl: Musa b. Mehmed, Mehmed b. Ali, İbrahim b. Mehmed, Abdurrahman b. Ali, Hüseyin Dede b. Abdullah, Mahmud b. Ahmed, Mustafa b. Veli ve gayruhüm