Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 161 Hüküm no: 165 Orijinal metin no: [25a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nesli Hatun’un bazı eşyalarını Musa’ya hibe etmesi Medîne-i Hazret-i Ebî Eyyûb el-Ensârî mahallâtından Evlice Baba mahallesi sâkinelerinden Nesli Hâtun bt. Abdullah mahfil-i şer‘-i hatîr-i lâzımü’t-tevkīrde zevci Ömer nâm kimesne mahzarında bi tav‘ihâ ikrâr ve takrîr-i kelâm edip silk-i mülk-i sahîhimde münselik olan emlâkimden bir yemeni yorgan ve bir yemeni yasdık ve bir beledî döşek ve bir beyaz çarşaf ve bir kırmızı kilim ve bir Yanbolu kebesi ve bir tencere ve bir sahan ve bir tavamı mezbûr Ömer’in âhar zevcesinden mütevellid olan Musa nâm sagīr oğluna hibe-i sahîha-i şer‘iyye ile hibe ve temlîk edip babası ve velîsi mezbûr Ömer’e teslîm eyledim mezbûr Ömer dahi eşyâ-i mezbûreyi meclis-i hibede velâyeten ittihâb ve kabûl ve kabz ve tesellüm eyledi ba‘de’l-yevm sâlifü’z-zikr eşyâ-i mezbûr Musa’nın mülk-i mevhûbu olmuşdur dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’r-râbi‘ min Şa‘bâni’l-mu‘azzam li sene seb‘a ve erba‘în ve elf. Şuhûdü’l-hâl: Mahmu[d] b. Mehmed el-İmâm, el-Hâc Yusuf b. Abdünnebi, Süleyman b. Abdullah, Ahmed b. Abdullah, Mehmed Çelebi b. ( ), Mehmed b. Abdullah, Mahmud b. Ahmed, Mustafa b. Veli, Ali b. Mustafa, Cafer b. Abdullah.