Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 164 Hüküm no: 168 Orijinal metin no: [26a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühani bt. Abdullah ile Ahmed b. Halil’in muhâlaa yoluyla boşandığı Medîne-i Hazret-i Ebî Eyyûb el-Ensârî mahallâtından Ahmed Dede mahallesinde sâkine Ümmühâni bt. Abdullah nâm hâtun meclis-i şer‘-i hatîr-i lâzımü’t-tevkīrde zevci işbu hâmilü’l-kitâb Ahmed b. Halil Bey nâm kimesne mahzarında bi tav‘ihâ ikrâr ve i‘tirâf edip zevcim mezbûr Ahmed ile hüsn-i zindegânem olmamağla, zimmetimizde mütekarrir olan üç bin akçe mehr-i müeccelim ve nafaka-i iddetim ve me’ûnet-i süknâm ve bir kırmızı yalabık dârâyî kaftan ve bir kırmızı yalabık zıbın ve bir alaca kilim ve bir Selânik yan keçem bedel olmak üzre hul‘ edip eşyâ-i merkūmeyi teslîm eyledim dedikde mezbûr Ahmed dahi zevcesi mezbûre Ümmühâni ile minvâl-i meşrûh üzre muhâla‘a edip zevciyyete müte‘allik da‘vâ ve husûmâtdan her biri âharın zimmetini ibrâ etmeğin mâ vaka‘a bi’t-taleb ketb olundu. Tahrîren fi’l-yevmi’s-sâbi‘ min şehri Şa‘bâni’l-mu‘azzam li sene seb‘a ve erba‘în ve elf. Şuhûdü’l-hâl: Hüseyin b. Mehmed, Mustafa b. Veli, Ali b. Mustafa, Mahmud b. Ahmed, Cafer b. Abdullah, Mustafa b. Mehmed.