Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 175 Hüküm no: 181 Orijinal metin no: [28b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Beşe b. Hacı Mahmud’un Mehmed Bey Vakfı’na borcuna kefil olunması Medîne-i Hazret-i Ebî Eyyûb el-Ensârî mahallâtından Davud Ağa mahallesi sâkinlerinden Hüseyin Beşe b. el-Hâc Mahmud mahfil-i kazâda mahmiye-i Kostantıniyye’de vâki‘ Mehmed Bey vakfı’na bi’l-fi‘l mütevellî olan işbu hâmilü’l-kitâb Atâullah Çelebi b. Mustafa mahzarında bi’t-tav‘ ikrâr ve i‘tirâf edip vakf-ı mezbûr malından zimmetimde iki bin akçe ve çuka bahâsından dahi üç yüz akçe cem‘an iki bin üç yüz akçe lâzımü’l-edâ ve vâcibü’l-kazâ deynim olup meblağ-ı mezbûr mukābelesinde bir sîm hançer rehin vaz‘ eyledim dedikde mezbûr Hüseyin Beşe’yi ikrâr-ı meşrûhunda mütevellî-i merkūm Atâullah Çelebi bi’l-muvâcehe tahkīk ettikden sonra meblağ-ı mezbûra mezbûr Hüseyin Beşe’nin zevcesi Nâime bt. Derviş Mehmed ve vâlidesi Râziye bt. Derviş Mehmed nâm hâtunlar ile karındaşı Mustafa Beşe b. Mahmud ve Mahmud Beşe nâm kimesne emr ve kabûlü hâviye kefâlet ile her biri kefîl bi’l-mâl olmağın mâ vaka‘a bi’t-taleb ketb olundu. Târihuhü’l-mezbûr. Şuhûdü’l-hâl: Abdülfettâh Efendi b. Hüsameddin, Sâlih Efendi b. Ramazan, Mustafa b. Mehmed, Ali b. Mustafa, Ahmed b. Mehmed, Cafer b. Abdullah.