Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 214 Hüküm no: 202 Orijinal metin no: [26b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bedirmâh bt. Abdullah’ın, Ahmed Ağa b. Ali’den muhâlaa yoluyla boşandığı Mahmiye-i İstanbul’da Sofular mahallesi sâkinelerinden Bedirmâh bt. Abdullah nâm hâtun meclis-i şer‘-i şerîfde zevc-i dâhilün-bihâsı Ahmed Ağa b. Ali nâm kimesne mahzarında ikrâr ve takrîr-i kelâm edip zevcim mezbûr Ahmed Ağa ile zimmetinde mütekarrir ve ma‘kūdun-aleyh olan iki bin akçe mehr-i müeccel-i müsemmâm ve nafaka-i iddet-i mu‘ayyene-i ma‘lûmem ve deyn-i şer‘îden zimmetinde hakkım olan on bin akçenin altı bin akçesi üzerlerine ve me’ûnet-i süknâm dahi kendi üzerime olmak üzre muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra vech-i muharrer üzre deyn-i şer‘îden bâkī zimmetinde hakkım olan dört bin akçeden mâ‘adâ zevciyyete ve gayra müte‘allika hukūkdan ben mezbûr Ahmed Ağa’yı ve merkūm Ahmed Ağa beni ibrâ-i âmm-ı kātı‘ü’n-nizâ‘ ile ibrâ eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fî evâhiri şehri Rebî‘ilâhir li sene seb‘a ve seb‘în ve elf. Şuhûdü’l-hâl: Osman Efendi b. Osman el-İmâm, Mustafa b. Ali, Mehmed b. Sevindik, Mustafa b. Mahmud, Süleyman Çelebi b. Hasan.