Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 186 Hüküm no: 197 Orijinal metin no: [31b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri v. Franko’nun Yani v. Andriye’ye olan borcunu ödediği Vilâyet-i Rumeli’nde Gerbeniş kazâsına tâbi‘ Kolozmen nâm karye sâkinlerinden Yani v. Andriye nâm zimmî meclis-i şer‘-i hatîr-i lâzımü’t-tevkīrde işbu hâmilü’s-sifr Dimitri v. Franko nâm zimmî muvâcehesinde bi’t-tav‘i’s-sâf ikrâr ve i‘tirâf edip mezbûr Dimitri zimmetinde cihet-i karz-ı şer‘îden dört yüz akçe hakkım olup meblağ-ı mezbûr mukābelesinde karye-i mezbûrede vâki‘ bir tarafdan benim bahçem ve bir tarafdan Dimo bağı ve bir tarafdan İstemad bağı ve bir tarafdan dere ile mahdûd ve mümtâz mülk bağını rehin vaz‘ etmiş idi hâlâ meblağ-ı mezbûr dört yüz akçeyi mezbûr Dimitri yedinden tamâmen alıp kabz edip fekk-i rehin eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’s-sâmin min Recebi’l-ferd li sene seb‘a ve erba‘în ve elf. Şuhûdü’l-hâl: Mustafa b. Veli, Mahmud b. Ahmed, Yakub b. Kurd, Cafer b. Abdullah, Kuşna v. Mihal, Nikola [v.] Yorgi.