Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 188 Hüküm no: 200 Orijinal metin no: [32a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Bey b. Mehmed’in evini Yusuf b. Abdullah’a sattığı Mahmiye-i Kostantıniyye’de Karagümrük kurbunda Tahtaminâre mahallesinde sâkin Osman Bey b. Mehmed mahfil-i kazâda râfi‘-i hâze’l-kitâb Yusuf b. Abdullah muvâcehesinde bi tav‘ihî ikrâr ve i‘tirâf edip akd-i âtî sudûruna değin silk-i mülkümde münselik olup Havâss-ı Refî‘a kazâsı müzâfâtından Küçükçekmece kasabasında vâki‘ bir tarafdan Kara Mustafa Beşe b. Abdullah mülkü bir tarafdan Hüseyin b. Hasan ve bir tarafdan eskici Kurd b. Abdullah mülkü ve bir tarafdan tarîk-i âm ile mahdûd iki bâb tahtânî beyti ve ahırı ve zât-ı eşcâr-ı müsmire bahçeyi müştemil mülk menzilimi, mezbûr Yusuf’a fıddî nakd-i râyic fi’l-vakt on beş bin akçeye tarafeynden îcâb ve kabûlü hâvî bey‘-i bâtt-ı sahîh-i şer‘i i[le] bey‘ edip kabz-ı semen eylediğimden sonra mebî‘-i merkūmu mahallinde ahz ve kabza merkūm Yusuf’u taslît eyledim ba‘de’l-yevm menzil-i merkūm Yusuf’un mülk-i müşterâsı olmuşdur, keyfe mâ yeşâ’ ve yahtâr mutasarrıf olsun dedikde gıbbe’t-tasdîki’ş-şer‘î mâ vaka‘a ketb olundu. Hurrire fî evâili Recebi’l-mürecceb li sene seb‘a ve erba‘în ve elf. Şuhûdü’l-hâl: Ramazan b. İbrahim, Mehmed b. Abdullah, Mustafa b. Mehmed, Mehmed Çelebi b. Mehmed Bey, Ebûbekir b. İbrahim, Ali Dede, Mustafa b. Durmuş ve gayruhüm.