Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 215 Hüküm no: 204 Orijinal metin no: [27a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri v. Yani’nin Abdurrahman b. Osman’dan alacaklı olduğu Uncu tâifesinden işbu bâ‘isü’s-sifr Dimitri v. Yani nâm zimmî mahfil-i kazâda çörekçi tâifesinden Abdurrahman b. Osman nâm kimesne mahzarında üzerine da‘vâ ve takrîr-i kelâm edip mezbûr Abdurrahman zimmetinde cihet-i deyn-i şer‘îden iki bin akçe hakkım vardır suâl olunup alıverilmesi murâdımdır dedikde gıbbe’s-suâl mezbûr Abdurrahman cevâbında fi’l-hakīka müdde‘î-i mezbûra cihet-i deyn-i şer‘îden zimmetimde vâcibü’l-edâ ve lâzımü’l-kazâ iki bin akçe deynim vardır deyû ikrâr ve i‘tirâf etmeğin mûcebince meblağ-ı mezbûr iki bin akçeyi müdde‘î-i mezbûra edâ ve teslîme mezbûr Abdurrahman’a tenbîh birle mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min Cumâdelûlâ li sene seb‘a ve seb‘în ve elf. Şuhûdü’l-hâl: Abdi Çelebi b. Hüseyin, Şükrullah Bey b. Mustafa, İbrahim Çelebi b. Mehmed, Baba Resul b. [Rıdvan].