Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 215 Hüküm no: 205 Orijinal metin no: [27a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Beşe b. Veli’nin arpa bahasından Receb b. Mehmed’de alacaklı olduğu Arpacı tâifesinden bâ‘isü’l-kitâb Mehmed Beşe b. Veli nâm kimesne meclis-i şer‘-i hatîr-i lâzımü’t-tevkīrde Receb b. Mehmed nâm kimesne mahzarında üzerine da‘vâ ve takrîr-i kelâm edip mezbûr Receb zimmetinde yedimden müşterâ ve makbûz keyli beynimizde ma‘lûm arpa bahâsından ba‘de küll-i hesâb yirmi beş kıt‘a esedî guruş hakkım vardır hâlâ taleb ederim suâl olunsun dedikde gıbbe’s-suâl mezbûr Receb fi’l-vâki‘ müdde‘î-i mezbûr Mehmed Beşe’ye yedinden müşterâ ve makbûz keyli beynimizde ma‘lûm arpa bahâsından ba‘de küll-i hesâb zimmetimde yirmi beş kıt‘a esedî guruş lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin mûcebince meblağ-ı mezbûr yirmi beş esedî guruşu müdde‘î-i mezbûra edâ ve teslîme mezbûr Receb’e tenbîh birle mâ vaka‘a bi’t-taleb ketb olundu. Fi’l-yevmi’s-sânî min Cumâdelâhire li sene seb‘a ve seb‘în ve elf. Şuhûdü’l-hâl: Şükrullah Bey b. Mustafa, Abdi Çelebi b. Hüseyin, Mehmed b. Ramazan, Baba Resul b. Rıdvan.