Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 190 Hüküm no: 203 Orijinal metin no: [32b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Perebye bt. Manol’ün Fâtıma Hanım Vakfı’na borcu olduğu Mahmiye-i Kostantıniyye mahallâtından Avcıbey mahallesinde sâkine Perebye bt. Manol nâm Nasrâniye meclis-i şer‘-i hatîr-i lâzımü’t-tevkīrde Fâtıma Hanım vakfı’na mütevellî olan işbu râfi‘ü’l-kitâb İbrahim Halîfe b. Abdullah mahzarında bi tav‘ihâ ikrâr ve i‘tirâf edip vakf-ı mezbûr malından zimmetimde asl-ı mâldan on beş riyâlî guruş ve seksen hurda akçe ve iki senenin ribhinden dahi beş yüz elli sekiz akçe hâlâ zimmetimde lâzımü’l-edâ ve vâcibü’l-kazâ deynimdir dedikde gıbbe’t-tasdîki’ş-şer‘î mâ vaka‘a ketb olundu. Tahrîren fi’l-yevmi’r-râbi‘ min şehri Recebi’l-ferd li sene seb‘a ve erba‘în ve elf. Şuhûdü’l-hâl: Sefer Halîfe b. Veli, Mustafa Beşe b. Mahmud, Mahmud b. Ahmed, Mustafa b. Veli, Yakub b. Kurd, Cafer b. Abdullah.