Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 191 Hüküm no: 205 Orijinal metin no: [33a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultâne bt. Hamza’nın oturduğu vakıf evi tamir masrafını ödemesine karşılık dâmâdı Turhan b. Ali’ye vermesi Medîne-i Hazret-i Ebî Eyyûb el-Ensârî mahallâtından Otakçıbaşı mahallesi sâkinelerinden Sultâne bt. Hamza nâm hâtun meclis-i şer‘-i hatîr-i lâzımü’t-tevkīrde dâmâdı olan işbu râfi‘ü’l-kitâb Turhan b. Ali nâm kimesne mahzarında ikrâr ve takrîr-i kelâm edip mahalle-i mezbûrede vâki‘ bir tarafdan Mustafa Çelebi mülkü ve bir tarafdan Aydın Halîfe ve bir tarafdan İnâyetullah Hâtun mülkü ve bir tarafdan tarîk-i âm ile mahdûd mahalle-i mezbûre müezzinine vakf olup icâre-i mu‘accele ve müeccele ile tasarrufumda olan bir bâb tahtânî menzilin meremmâtına harc ve sarf eylediğim bin beş yüz akçeyi mezbûr Turhan Bey edâ etmek üzre menzil-i mezbûru merkūm Turhan’a fâriğa oldum dedikde mukırra-i mezbûre Sultâne’nin minvâl-i muharrer üzre cârî olan ikrârını el-mukarru lehü’l-merkūm Turhan vicâhen tasdîk ve şifâhen tahkīk edicek mâ vaka‘a gıbbe’t-taleb ketb olundu. Tahrîren fi’l-yevmi’r-râbi‘ min şehri Recebi’l-ferd li sene seb‘a ve erba‘în ve elf. Şuhûdü’l-hâl: Selim b. Ali, Mehmed b. Mustafa, Receb Efendi b. Abdi, Mahmud b. Ahmed, Mustafa Beşe b. Mahmud.