Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 191 Hüküm no: 206 Orijinal metin no: [33a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Hüseyin Çelebi’nin evini istiğlâl yoluyla Şeyh Mahmud Efendi Vakfı’na sattığı Medîne-i Hazret-i Ebî Eyyûb el-Ensârî mahallâtından Emir Buhârî mahallesinde sâkin olan Mehmed Çelebi b. Hüseyin Çelebi nâm kimesne meclis-i şer‘-i şerîfde hâzır olup âtiyyü’z-zikr menzilini medîne-i merkūmede vâki‘ merhûm Şeyh Mahmud Efendi vakfı’na mütevellî olan Şeyh Mehmed Efendi b. Pîrî’ye bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, mezbûr Mehmed Çelebi’nin işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i merkūmede kâin bulunan bir tarafdan Mehmed b. Ramazan mülkü, diğer tarafdan mekābir-i müslimîn, öteki tarafdan tarîk-i âm ve diğer tarafdan da tarîk-i hâs ile mahdûd cemî‘-i menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt yirmi bir bin akçe semen-i mu‘ayyen-i makbûzla iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr ayın gurresinden üç sene tamâmına dokuz bin dört yüz elli akçe ücret ile menzil-i mezbûru kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra mukırr-ı mezbûrun babası Hüseyin Çelebi b. Abdi, Mehmed Çelebi b. Ramazan ve mukırr-ı merkūmun annesi Havva Hâtun bt. Muzaffer nâm kimesnelerin her biri, îcâb ve kabûlü hâvî kefâletle menzil-i mezbûrun derkine ve ücret-i merkūmeye kefîl oldu. Cerâ zâlike ve hurrire fî evâili Cumâdelâhire sene seb‘a ve erba‘în ve elf. Şuhûdü’l-hâl: Murtaza Halîfe b. Mehmed, İmâm Sinan Halîfe b. Mustafa, Mehmed Çelebi b. Hasan, Ahmed Çelebi b. Şeyh Mehmed, Oruc Halîfe b. Kemal, Receb b. Kemaleddin, Bayram Halîfe b. Ebûbekir, Atâullah Çelebi b. Mustafa