Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 193 Hüküm no: 209 Orijinal metin no: [34a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Beşe b. Abdullah’a Mustafa b. Hüseyin’in borcu olması Vilâyet-i Rumeli’nde Opar kazâsına tâbi‘ Düşe[h]ri nâm karye sâkinlerinden Mustafa b. Hüseyin nâm kimesne meclis-i şer‘-i hatîr-i lâzımü’t-tevkīrde işbu hâmilü’l-kitâb Mehmed Beşe b. Abdullah mahzarında bi’t-tav‘ ikrâr ve i‘tirâf edip mezbûr Mehmed Beşe’ye beynimizde ma‘lûm menzil ve bağ ve bazı eşyâ bahâsından hâlâ zimmetimde on bin akçe lâzımü’l-edâ ve vâcibü’l-kazâ deynim vardır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Târihuhü’l-mezbûr. Şuhûdü’l-hâl: Es-Sâbikūn.