Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 204 Hüküm no: 225 Orijinal metin no: [37b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Mustafa’nın Mustafa b. Mehmed’e borcu olduğunu kabul ettiği Râfi‘-i hâze’l-kitâb Mustafa b. Mehmed nâm kimesne mahfil-i kazâda Hasan b. Mustafa nâm bostancı muvâcehesinde takrîr-i da‘vâ edip bundan akdem mezbûr Hasan benden bin beş yüz nakid fıddî akçe istikrâz ve kabz eylemişidi el-hâletü hâzihî taleb eylediğimde vermede ta‘allül eder suâl olunup meblağ-ı merkūm alıverilmek matlûbumdur dedikde gıbbe’s-suâl mezbûr Hasan cevâbında, fi’l-hakīka mezbûr Mustafa’dan bin beş yüz akçe istikrâz ve kabz edip zimmetimde vâcibü’l-edâ ve lâzımü’l-kazâ deynimdir deyû ikrâr ve i‘tirâf edicek edâya tenbîh birle mâ hüve’l-vâki‘ ketb olundu. Târihuhü’l-mezbûr. Şuhûdü’l-hâl: Hüseyin b. İsa, İsa b. ( ) el-Hammâmî, Osman b. Abdullah, Mahmud b. Ahmed, Mustafa b. Veli.