Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 224 Hüküm no: 255 Orijinal metin no: [42a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Hasan ile Ahmed b. Veli’nin muhâlaa yoluyla boşandığı ve birbirlerinin zimmetlerini ibra ettikleri Medîne-i Hazret-i Ebî Eyyûb el-Ensârî mahallâtından Otakçıbaşı mahallesinde sâkine Emine bt. Hasan nâm hâtun meclis-i şer‘-i hatîr-i lâzımü’t-tevkīrde işbu hâmilü’l-kitâb zevci Ahmed b. Veli muvâcehesinde bi tav‘ihâ ikrâr ve takrîr-i kelâm edip zevcim mezbûr Ahmed ile hüsn-i zindegânem olmamağla, zimmetinde mütekarrir olan beş yüz akçe mehr-i müeccelim ve nafaka-i iddetim ve me’ûnet-i süknâm üzerine ve beynimizde ma‘lûm bir zenne Paris çuka ferâce ve bir beledî döşek ve iki yasdık ve bir minder ve bir sini ve bir sahan üzerine hul‘ edip eşyâ-i mezbûre[yi] kendine teslîm eyledim dedikde mezbûr Ahmed dahi minvâl-i meşrûh üzre mezbûre Emine ile hul‘ edip zevciyyete müte‘allik cemî‘ da‘vâdan her biri âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledikden sonra mâ vaka‘a gıbbe’t-taleb ketb olundu. Tahrîren fi’l-yevmi’r-râbi‘ aşer min Şa‘bâni’l-mu‘azzam li sene seb‘a ve erba‘în ve elf. Şuhûdü’l-hâl: İsa b. Budak, Mehmed b. Abdullah, Mahmud b. Ahmed, Cafer b. Abdullah, Mustafa Beşe b. Mahmud, Ali b. Mustafa, Yakub b. Kurd, Mustafa b. Veli ve gayruhüm.