Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 227 Hüküm no: 259 Orijinal metin no: [42b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Bey b. Abdullah’ın tarlalarını İlyas Beşe b. Sefer’e sattığı Vilâyet-i Rumeli’nde Opar kazâsına tâbi‘ Melek nâm karye sâkinlerinden Mehmed Bey b. Abdullah tarafından tefvîz-i âti’z-zikri ikrâra vekîl olup vekâleti Mustafa b. Ali ve Hasan b. Ahmed şehâdetleri ile şer‘an sâbite olan diğer Mehmed Bey b. Abdullah mahfil-i kazâda Hâssa bostancılardan işbu hâmilü’l-kitâb İlyas Beşe b. Sefer mahzarında bi’l-vekâle ikrâr ve takrîr-i kelâm edip müvekkilem mezbûr Mehmed Bey’in karye-i mezbûre hudûdu dâhilinde mevâzi‘-i adîdede vâki‘ lede’l-ahâlî ve’l-cîrân ma‘lûmü’l-hudûd taht-ı tasarrufumda olan cemî‘ tarlalarının hakk-ı tasarrufunu, sâhib-i arz ma‘rifetiyle mezbûr İlyas Beşe’ye üç yüz akçe mukābelesinde tefvîz edip ol dahi tefevvuz ve kabûl eyledikden sonra bedel-i tefvîz olan meblağ-ı mezbûr üç yüz akçeyi mezbûr İlyas Beşe yedinden tamâmen alıp kabz edip sâlifü’z-zikr tarlaları mahallinde zabt ve tasarrufa mezbûr İlyas Beşe’yi taslît eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Târihuhü’l-mezbûr. Şuhûdü’l-hâl: Es-Sâbikūn.