Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 230 Hüküm no: 264 Orijinal metin no: [43a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Duka v. Kiro’nun Angilaki v. Yani’deki alacağını tahsil ettiği Mahmiye-i Kostantıniyye mahallâtından Sultanhamamı kurbunda Kefeli mahallesi sâkinlerinden Duka v. Kiro nâm zimmî meclis-i şer‘-i hatîr-i lâzımü’t-tevkīrde vilâyet-i Rumeli’nde medîne-i Siroz mahallâtından Ayakiryaki mahallesinde sâkin işbu hâmiletü’s-sifr Angilaki v. Yani nâm zimmî muvâcehesinde bi’t-tav‘ ikrâr ve i‘tirâf edip mezbûr Angilaki’ye târih-i kitâbdan dört sene mukaddem elli üç bin beş yüz akçelik kuru lakerda balığı bey‘ edip kendine def‘ ve teslîm etmiş idim hâlâ meblağ-ı mezbûr elli üç bin beş yüz akçeyi bi’t-tamâm ve’l-kemâl mezbûr Angilaki yedinden alıp kabz eyledim mezbûr Angilaki zimmetinde zikr olunan balık bahâsından bir akçe ve bir habbe hakkım bâkī kalmamışdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin ve’l-ışrîn min Şa‘bâni’l-mu‘azzam li sene seb‘a ve erba‘în ve elf. Şuhûdü’l-hâl: Veli Çelebi b. ( ), Hamza Çelebi b. ( ), Fazlullah Çelebi b. ( ), Makramacı Nikola, Bektaş Bey, Mustafa Çelebi b. İsa, Yakub b. Kurd ve gayruhüm.