Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 239 Hüküm no: 279 Orijinal metin no: [45b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Beşe b. Sâlih’in Sadık Bey b. Süleyman’da olan alacağını tahsil ettiği Zümre-i râcilînden Mustafa Beşe b. Sâlih nâm kimesne meclis-i şer‘-i hatîr-i lâzımü’t-tevkīrde işbu hâmilü’l-kitâb Sâdık Bey b. Süleyman el-Cündî mahzarında bi’t-tav‘i’s-sâf ikrâr ve i‘tirâf edip mezbûr Sâdık Bey zimmetinde cihet-i karz-ı şer‘îden yirmi sekiz bin akçe hakkım olup müşterî ve makbûzu olan beynimizde ma‘lûm çuka bahâsından dahi dört bin akçe ki cem‘an otuz iki bin akçe hakkımı mezbûr Sâdık Bey yedinden bi’t-tamâm ve’l-kemâl ahz ve kabz eyledim zimmetinde bir akçe ve bir habbe hakkım bâkī kalmamışdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’s-sâlis min Ramazâni’l-mübârek li sene seb‘a ve erba‘în ve elf. Şuhûdü’l-hâl: Fahrü’l-kuzât İzzet Efendi b. el-Hâc Hasan, Mehmed Efendi el-Kadı, Fahrü’l-cüyûş Mustafa Çavuş, Ahmed Çelebi b. ( ), Abbas Çelebi b. Eyüb.