Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 248 Hüküm no: 292 Orijinal metin no: [47a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Saime bt. Mehmed’in muhâlaa yoluyla boşandığı Havâss-ı Aliyye müzâfâtından Hasköy mahallâtından Sütlüce mahallesinde sâkine olan Sâime bt. Mehmed nâm hâtun meclis-i şer‘-i şerîfde hâzıre olup hâmil-i hâze’l-kitâb Ali b. Şit Ali nâm zevci ile nikâhında ta‘ahhüd edilen râyicü’l-vakt bin beş yüz akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’s-sâbi‘ min şehri Ramazâni’l-mübârek sene seb‘a ve erba‘în ve elf. Şuhûdü’l-hâl: İmâm Mehmed b. Hızır, Mehmed b. Ahmed, Mehmed b. Mustafa, Ali b. Mustafa, Ali b. Abdullah ve gayruhüm mine’l-hâzırîn