Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 301 Hüküm no: 373 Orijinal metin no: [60a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Drako v. Paros’un evini istiğlâl yoluyla Behram Bey Vakfı’na sattığı Mahmiye-i Kostantıniyye mahallâtından dâhil-i bâb-ı Fener’de vâki‘ Abdi Subaşı mahallesinde sâkin olan Drako v. Paros nâm zimmî meclis-i şer‘-i şerîfde hâzır olup âtiyyü’z-zikr menzilini, merhûm Behram Bey vakfı’na mütevellî olan hâmil-i hâze’l-kitâb Hüseyin Halîfe b. Şaban’a bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, zimmî-i mesfûrun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede vâki‘ olan, bir tarafdan Aleksandri v. Aleksi mülkü, diğer tarafdan Dimitri v. Duka mülkü, öteki tarafdan kale duvarı ve diğer tarafdan da tarîk-i âm ile mahdûd mülk menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt dört bin akçe semen-i mu‘ayyen-i makbûzla iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr târihden üç sene tamâmına bin beş yüz akçe ücret ile menzil-i mezbûru kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra mukırr-ı mezbûrun zevcesi Neto bt. Petro nâm zimmiye menzil-i mezbûrun derkine ve ücret-i merkūmeye îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’l-hâmis aşere min şehri Şevvâli’l-mükerrem sene seb‘a ve erba‘în ve elf. Şuhûdü’l-hâl: İmâm İbrahim Efendi b. Ramazan, Hüseyin Çelebi b. Abdullah, Mehmed Çelebi b. Ahmed, müezzin Şaban Halîfe b. Hüseyin, el-Hâc Oruc, Abdullah Çelebi b. Süleyman, Mahmud b. Ahmed ve gayruhüm